Безбедни практики за справување со електронски отпад и отпадни батерии на ТВ24


Нула Отпад во Студио 10 на ТВ24 на едночасовна дискусија на тема: “Безбедни практики во отстранување на е-отпад”.

Што се случува со негово мешање со останатиот комунален отпад, каде завршуваат високо токсични елементи како жива, олово, литиум и кадмиум и која е штетата за животната средина и човековото здравје?

Ѓубре е само она што ќе дозволиме да заврши како ѓубре, се друго е ресурс.

Проблемот е што разни марткетинг кампањи и социјално искривени вредности не повикуваат да купуваме уште повеќе, трошиме повеќе и трупаме материјали кои набрзо стануваат отпад, а за кои се потрошени значајни природни ресурси.

Менуваме мобилни телефони на 2-3 години, купуваме се поголеми тв уреди на 5-7 години, бела техника на 7-10 години, дури и производите кои ги купуваме се дизајнирани да не можат да се поправат или поправката чини повеќе од купување на нов производ.

Што со стариот фрижидер полн со озон кој ја уништува озонската обвивка, со батериите кои тешко се рециклираат, завршуваат на депонија а трошат ретки метали? Дали е сето тоа одржливо и каде не води сето тоа?

Информирање на граѓаните за неопходноста од одвоено собирање на старите батерии со едноставно решение да  ги собираме  во некој мал сад, пластичен или стаклен и штом го наполниме да ги однесеме во садовите за батерии поставени од Нула Отпад.

Граѓаните можат да ги најдат во сите поголеми маркети, молови, училишта, градинки, општински згради, институции на град Скопје, компании – Нула Отпад постојано ја проширува инфраструктурата од поставеност на садови за батерии.

Достапност на еко линијата 070 236 000 за бесплатно, безбедно и лесно преземање на електронскиот отпад од домовите на граѓаните и компаниите.

Еко изложба по повод Меѓународниот ден на батеријата

Денот на батеријата е неофицијален празник кој се слави на 18 февруари и се користи за да се оддаде почит на малиот извор на енергија што ни го олеснува животот.

Децата од ООУ ,,Ѓорѓија Пулевски” од општина Аеродром под менторство на наставникот по ликовно образование Наташа Станковска Зафировска  преку различни ликовни техники на креативен начин упатија порака за селекција на опасниот отпад.

Еко изложбата е дел од активностите од Еразмус програмата и интернационалниот проект “Dont waste, Save, The Earth is Yours” под раководство на м-р Ана Петровска во соработка на Нула Отпад.

Батериите можеби не се најфасцинантните или најинтересните уреди во светот, но без нив нашите животи би биле многу различни. Батериите буквално го трансформираа светот и му овозможија на модерното општество да биде безжично, какво што е и денес.

Со зголемениот број на произведени батерии се зголемува и одговорноста за огромното количество батерии што се отфрлаат од употреба.

https://www.facebook.com/nulaotpad/videos/184019963088588

Еко занимална по повод Меѓународниот ден на батеријата

По повод Меѓународниот ден на батеријата во девет објекти на градинката Димче Мирчев од Велес се реализираше десет дневна еко акција за собирање на отпадни батерии од домовите на децата насловена како “Ние сме зелени еко херои”.

Нула Отпад обезбеди детски информативни постери за селекција на отпадни батерии и мали садови за селекција за секое дете со информација за еко линијата. Претходно е поставена инфаструктура од големи садови за батерии во секој објект на градинката.

На денот на батеријата се реализираше Еко занимална под наслов “Селектирај отпадни батерии, избери чиста околина”.

Со едукација беа опфатени 200 деца од големата група.

Подготвивме мултимедујална дигитална сликовница адаптирана на развојното ниво на децата и преку креативни активности подготвени од воспитувачите и педагозите од градинката во соработка на едукаторите од Нула Отпад, децата  се запознаа со правилен начин на селекција и рециклирање на старите батерии од нивните играчки и нивниот дом.

https://www.facebook.com/nulaotpad/videos/1071903229994134

https://www.facebook.com/100000594216940/videos/pcb.4282047655158333/4282038698492562

https://www.facebook.com/gradinkaveles/videos/4279313598765072

Нула Oтпад во “Ја сакам Македонија” на Сител

Репортажа за активностите на Нула Отпад во општините ширум државата за подигнување на јавната свест за селекција и рециклирање на опасниот отпад.

Човекот со своите активности ги нарушува природнитe законитости до таа мера што го загрозува и сопствениот опстанок.

Не можеме да живееме со парадигмата земи, искористи, фрли! Се што фрламе мора да заврши некаде!

Отпадот претставува голем проблем за многу локални самоуправи, и Нула Отпад во соработка со општините и јавните комунални претпријатија  воспоставува организиран систем за собирање на отпадна електрична и електронска опрема и подигнување на јавната свест за немешање на овој отпад со останатиот отпад од домаќинствата.

Нула Отпад функционира на целата територија на државата преку соработка со 30 општини и јавни комунални претпријатија.

Нула Отпад во “Добро утро секое утро” на Алфа ТВ

Последниве десет години сме сведоци на големи технолошки напредоци. Светот во кој живееме веќе не е ист. Се соочуваме со огромни промени,  дигитализацијата е дел од нашето секојдневие, постојано излегуваат нови уреди кои прават вистинска револиција во начинот на кој живееме и работиме.

Тука нужно се поставува прашањето што со целата таа стара, нефункционална и непотребна електроника од нашите домови и компании.

Еко линија за правилно одлагање на овој вид на отпад, како функционира, што им овозможува на граѓаните и компаниите? Каде завршува понатаму овој отпад? Што добиваме со рециклирање на електронскиот отпад? Еколошки акции со општествено одговорни компании, за пријавениот отпад граѓаните добиваат како стимулација вредносни ваучери кои можат да ги искористат за купување на нешто ново. За што станува збор, што добиваат граѓаните? Зошто е важно овој вид на отпад посебно да се селeктира, кои се опасностите по здравјето на луѓето и животната средина? – дел од прашањата на утринската програма со вклучување на гледачите и граѓаните во отворена дискусија со цел заштита на животната средина и подобра иднина за сите.

Нула Отпад во Рингераја.мк “Што да правите со старите и расипани електрични уреди од домот или компанијата”?

Какви мисли, ставови и постапки има еден поединец за средината околу него во голема мера зависи од тоа какви навики развил во периодот на раното детство.

Според тоа, семејството е опкружување во кое детето минува повеќе време, присвојува социјални и когнитивни вештини, развива ставови, уверувања во чии рамки секој член влијае на останатите членови.

Паралелно со промовирањето на семејните вредности, важна е и еколошката култура како дел од општественото живеење.

Нула Отпад преку едукативно информативна статија таргетирано делуваше токму на младите семејства кои според направените истражувања се во голема мера корисници на современите технолошки иновации, најразлични електрични и електронски уреди кои технологијата направи да имаат краток век и кои по нивното застарување треба соодветно да се отстранат.

Доколку имаме постојани и достапни услуги за рециклирање, можеме да се осигураме дека работите кои можат да се рециклираат се всушност рециклирани.

Во насока на зачувување на здравјето на луѓето и животната средина, Нула Отпад ги охрабрува граѓаните и компаниите да ја користат Eко линијата 070 236 000 како бесплатен, безбеден и лесен начин за отстранување на непотребната електроника.